Fake curry found in Jamaica? Anyting cyan really guh suh?

 Missis mah!! Mistah sar!! 
Yuh hear weh a gwaan a jamdown? Seh dem fine fake curry inna Mandeville?!
Den sumn cyan really guh suh??

Mi seh wen mi first hear 'bout it, mi seh "No sah! Lie dem a tell!" 

An' so mi seh mek mi tek a peep on one a di online newpaper dem fi read weh dem seh 'appen.

Well, according to Loop News the "fake curry" was found in a supermarket in Mandeville, Manchester. Dem seh the "fake curry" was disguised as a good quality curry bran' that we Jamaicans love to use. 

So mi guh suh boom an' a scroll and look further down di page an' si dem seh one Chiney man get arrested fi di offence. Suh mi start feel vex and a cuss an' seh, "Why dem Chiney yah always a come wid dem false tings. Wah wrong wid dem?!"

Yuh know seh, everybaddi know Chiney fi cheap goods but wi affi watch out fi fake goods to! 

Who rememba di plastic rice saga? Di amount a peepul weh a guh pon social media during dah time deh an a seh dat dem by some rice and all dem a boil di rice it cyaa swell. 

It just inna di pot a bubble but it nah cook. Dem did blame it pon one Chiney man to. We as Jamaican peepul have to make sure seh wah tings we are known for, are produced at di highest quality. 

Like wi wee..

(cough, cough)  I mean... curry, curry!...

Yes, di curry... mhmm... back to di curry. 😂😂

It muss produce at di best quality. Imagine one forrinah come yah seh dem want curry chicken or curry goat, an' di poor unsuspecting chef or cook guh use dah fake curry deh. Nuh problem dat?? 

The news article seh dem a work wid di good quality curry peepul dem fi fine out wah kinda inhgredents inna di fake curry. Suppose a all kinda dirt an' God ongle knows what else Missa Chin put inna him curry. Fada helps us. Dis serius bwoy. No mi nah laaf.

Mi jus hope seh dem give Missa Chin a hefty charge an' mek sure dem fine out which part him factory deh cause it nuh sound good.

All mi can seh folks. Mek sure yuh give di curry pack a good sniff. Curry suppose to have a strong smell. Suh smell it before yuh buy it. If it nuh smell strong like curry suppose to smell, maybe annuh curry dat. I'm just saayinng!

Anyhoo peepul mi a gwope di road yah. Till laatah!